Tetë ditë pasi regjistroi hetim penal për “21 Janarin”, SPAK nisi të marrë deklarimet e personave që kanë dijeni për ngjarjen. Të parët në radhë ishin Rajmonda e Mark Nika, përkatësisht bashkëshortja dhe xhaxhai i Aleks Nikës, një prej viktimave të “21 janarit”.
Pas dy orë e gjysmë qëndrimi përballë hetuesve e veja e Nikës tha se nuk kishte paraqitur prova të reja, madje as audiopërgjimin ku pretendohet se ish-kreu i Gardës, Ndrea Prendi, jep urdhër për zjarr.
Audiopërgjimin në fjalë hetuesit e SPAK ia kërkuan edhe xhaxhait të Aleks Nikës, por ai i ka orientuar për tek ai që e zotëronte. Mark Nika tha se kishte besim tek SPAK, por sipas tij, nëse nuk zbardhej zinxhiri komandues çështja nuk konsiderohet e zbardhur.
SPAK nisi hetim për “21 janari” më 15 korrik, në zbatim të një vendimmarrjeje të Gjykatës së Lartë, që vendosi se Struktura e Posaçme duhet të hetonte kallëzimin e bërë nga Rajmonda Nika.
Çështja po hetohet për veprat penale “vrasje në rrethana cilësuese”, “shpërdorim të detyrës” dhe “kryerje e veprimeve që pengojnë zbulimin e së vërtetës”, të treja kryer në bashkëpunim. (A2 Televizion)
A2 CNN Livestream
MUND TE LEXONI GJITHASHTU
