Një sasi lënde narkotike e llojit kokainë është sekuestruar mbrëmjen e kaluar në pikën kufitare të Muriqanit.
Në kuadër të operacionit të koduar “Pakot” u arrestua 32-vjeçari Adriatik Rrasa, i cili kishte fshehur në tavanin e furgonit që drejtonte 3.4 kg kokainë të një cilësie të lartë.
Nga kontrolli në furgon u gjetën gjithashtu 60 shishe me pije alkoolike dhe 1 televizor, që dyshohet se janë të kontrabanduara, pasi nuk ishin të pajisura me fatura blerjeje.
Lënda narkotike, mallrat, automjeti i të arrestuarit dhe 2 celularë të tij u sekuestruan nga Policia, në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
