Një 28-vjeçar është arrestuar nga policia në Shkodër, pasi rezultonte i shpallur në kërkim ndërkombëtar nga drejtësia spanjolle. Elton Kola, i cili akuzohet se ka kultivuar bimë kanabisi me llamba, në Barcelonë, u ndalua në aksin “Vau i Dejës-Shkodër”.
“Si rezultat i koordinimit të punës dhe shkëmbimit të informacioneve, me partnerët spanjollë, nëpërmjet INTERPOL, shërbimet e Drejtorisë së Forcës së Posaçme Operacionale, në kuadër të operacionit “Operacionalja 45”, lokalizuan, kapën dhe vunë në pranga, me qëllim ekstradimin në Spanjë, shtetasin E. K., 28 vjeç, të lindur në Shkodër. Ai kërkohej ndërkombëtarisht, sepse Gjykata e Barcelonës, në vitin 2025, i ka caktuar masën e sigurisë “Arrest në burg”, për kultivim të bimëve narkotike dhe vjedhje të energjisë elektrike”, njofton policia.
Sakaq, bëhet me dije se Interpol Tirana po bashkëpunon me Interpol Madridin, për të finalizuar ekstradimin e këtij shtetasi. (A2 Televizion)
A2 CNN Livestream
MUND TE LEXONI GJITHASHTU
