Një aksident i rëndë ka ndodhur pasditen e sotme në qytetin e Fierit, ku një automjet ka përplasur një çift të moshuarish teksa po kalonin në vijat e bardha.
Ngjarja u regjistrua vetëm pak minuta më parë dhe sipas dëshmitarëve, të moshuarit po kalonin në këmbë kur u goditën nga makina. Menjëherë pas aksidentit, ata u transportuan me ambulancë drejt spitalit rajonal të Fierit, ku ndodhen nën kujdesin e mjekëve. Ende nuk ka informacion zyrtar mbi gjendjen e tyre shëndetësore, shkruan A2 CNN.
Policia ka shoqëruar drejtuesin e automjetit dhe po kryen veprimet procedurale për zbardhjen e plotë të ngjarjes dhe përcaktimin e përgjegjësisë.
Ky është aksidenti i dytë brenda pak ditësh në Fier që ndodh në vijat e bardha. (A2 Televizion)
A2 CNN Livestream
MUND TE LEXONI GJITHASHTU
