Nën akuzën e korrupsionit dhe shpërdorimit të detyrës, u arrestua me urdhër të SPAK, kryekomisari në Durrës, Gazmir Preçi. Me detyrë, Shef Sektori kundër Trafiqeve dhe Narkotikëve në Drejtorinë Vendore, Preçi akuzohet se duke shfrytëzuar pozicionin e tij ka shantazhuar pronarin e një biznesi duke i kërkuar 20 mijë euro me qëllim që të mos i mbyllte aktivitetin.
Preçi është arrestuar në momentin që ka marrë 10 mijë euro, teksa Agjencia e Mbikëqyrjes Policore njofton se janë sekuestruar dokumente që lidhen me ngjarjen dhe dy aparate telefonikë celularë.
Ministri i Ri i Brendshëm, Ervin Hoxha, e shfrytëzoi këtë arrestim për të përcjellë një mesazh për të gjithë punonjësit e policisë, që siç tha ai, cenojnë besimin e qytetarëve te policia, duke u hequr si padronë të qytetarëve dhe bizneseve, dhe nuk sillen si shërbëtorë të ligjit, do të marrin ndëshkimin më të ashpër ligjor. (A2 Televizion)
A2 CNN Livestream
MUND TE LEXONI GJITHASHTU
