Momente paniku janë shënuar pasditen e së martës në një bllok pallatesh 11-katëshe në Lushnjë, pasi një re e dendur tymi u përhap nga parkingu nëntokësor i një prej pallateve.
Fillimisht dyshohet se zjarri kishte rënë në ambientet e pallatit, por më pas është konstatuar se flakët kishin nisur jashtë godinës, ku ishin përfshirë mbeturina, shkruan A2CNN.
Zjarri më pas ka kaluar në ambientet e garazhit nëntokësor, ku janë djegur mbetje. Pas konstatimit të situatës, automjetet e parkuara në garazh janë nxjerrë jashtë, ndërsa policia ka ndërhyrë për të izoluar dhe shuar zjarrin.
Fatmirësisht, nuk raportohet për dëme në automjetet e parkuara në garazh. Banorët janë larguar përkohësisht nga godina, për arsye sigurie. (A2 Televizion)
A2 CNN Livestream
MUND TE LEXONI GJITHASHTU
