Gazetari Artan Hoxha deklaroi se në vendin tonë ka pasur një rast që gjykata ka vendosur garanci pasurore 1 milion euro për lirim nga burgu. Sipas tij, bëhet fjalë për një nga rastet më të rralla në rajon.
“Kemi një rast që është dhënë masë sigurie me 1 milion euro, që është nga rastet më të rralla në Ballkan. Nuk di të ketë në rajon garanci 1 milion euro. Kam parë vende fqinje, përfshi edhe Kosovën. Kishin një zyrë ku njerëzit shkonin dhe depozitonin garancitë pasurore. Praktika e tyre ishte te garancitë pasurore sesa te paraburgimi. Sepse nëse e fut në burg një person, paguajnë taksa edhe qytetarët. Le pastaj kur fut mosha të reja në burg, që po i “trajnon” për krimin e organizuar. Nuk lihen në të njëjtin sektor të burgut 18-vjeçarët me bosët e krimit sepse praktikisht po i jep diplomën”, tha Hoxha në studion e “Off the Record” nga Andrea Danglli, në A2CNN.
“Ndërhyrja e Kryeministrit në Kodin Penal ka një problematikë, sepse po bëhet në një moment kur po ndodh një situatë që ka të bëjë me pushtetin e tij. Ai ka hallin që po i përfundon e gjithë administrate në burg. Unë jam me parimin që burgu është pasi të merret vendimi. Kurse ne të çojmë në paraburgim dhe pastaj të dënojmë”, shtoi gazetari. (A2 Televizion)
A2 CNN Livestream
MUND TE LEXONI GJITHASHTU
