Një 21-vjeçar është arrestuar në Tiranë pasi u kap duke qarkulluar me një armë zjarri pistoletë, ndërsa si pasagjer udhëtonte me një motomjet në rrugën “Fitnete Rexha”.
Sipas Policisë, gjatë operacionit të koduar “Road”, u ndalua për kontroll motomjeti me drejtues 31-vjeçarin E. N. dhe pasagjer E. H., 21 vjeç. Në çantën e këtij të fundit u gjet dhe u sekuestrua një pistoletë me municion, që dyshohet se mbahej pa leje.
Në pranga përfundoi 21-vjeçari për veprën penale “Mbajtja pa leje e armëve dhe municionit luftarak”, ndërsa drejtuesi i motomjetit u arrestua për “Moskallëzim krimi”. Materialet i kaluan Prokurorisë për veprime të mëtejshme.
Njoftimi i Policisë Tiranë
Finalizohet operacioni policor i koduar “Road”.
Qarkullonte i armatosur me pistoletë, si pasagjer në një motomjet, në rrugën “Fitnete Rexha”, vihet në pranga 21-vjeçari.
Në pranga edhe drejtuesi i motomjetit, për veprën penale “Moskallëzimi i krimit”.
Sekuestrohet një armë zjarri pistoletë dhe municion.
Shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Nr. 4, në vijim të kontrolleve intensive për goditjen e paligjshmërisë dhe rritjen e parametrave të sigurisë, finalizuan operacionin policor të koduar “Road”.
Gjatë operacionit, në rrugën “Fitnete Rexha”, u ndalua për kontroll një motomjet me të cilin lëviznin shtetasit E. N., 31 vjeç, drejtues dhe E. H., 21 vjeç, pasagjer.
Nga kontrolli i ushtruar ndaj shtetasit E. H., në çantën që mbante në sup, u gjet dhe u sekuestrua një armë zjarri pistoletë sëbashku me municion, të cilën dyshohet se e mbante pa leje.
Në përfundim të veprimeve procedurale, u bë arrestimi në flagrancë i shtetasit E. H., 21 vjeç, për veprën penale “Mbajtja pa leje e armëve dhe municionit luftarak”, si dhe i shtetasit E. N., 31 vjeç, për veprën penale “Moskallëzimi i krimit”.
Materialet procedurale iu referuan Prokurorisë, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
