Rreth 13.500 punonjës të Policisë së Shtetit, Agjencisë së Mbikëqyrjes Policore dhe Gardës së Republikës kanë afat 30 ditë për të plotësuar formularin e vetëdeklarimit nëse kanë përdorur më herët aplikacionet “SkyECC” dhe “EncroChat”.
I pyetur në konferencën e sotme për shtyp, drejtori i Policisë së Shtetit, Muhamet Rrumbullaku, deklaroi se deri më tani nuk ka asnjë dorëheqje nga radhët e efektivëve.
“Nuk ka dorëheqje, qoftë edhe një e vetme po të jetë, do të merret vendimi për përjashtimin. Hetimet vazhdojnë.”
Drejtori i Përgjithshëm i Policisë së Shtetit doli paraditen e së enjtes në një konferencë për shtyp me fokus në rezultatet mbi rezultatet e operacionit kombëtar të koduar “Sundimi i ligjit”, për goditjen e rasteve të organizimit të kundërligjshëm të lojërave të fatit.
Ministri i Brendshëm, Taulant Balla, firmosi të hënën urdhrin me anë të të cilit u kërkohet të gjithë atyre që janë pjesë e strukturave të sigurisë që të deklarojnë nëse i kanë përdorur aplikacionet që përdorin në botën e krimit, shoqëruar me periudhën dhe arsyen e përdorimit.
Në të gjitha rastet, pritet që efektivët të përjashtohen menjëherë nga struktura. (A2 Televizion)
A2 CNN Livestream
MUND TE LEXONI GJITHASHTU
