Një 35-vjeçar shqiptar, i akuzuar për tentativë vrasje në vendin tonë, është arrestuar nga autoritetet greke, me qëllim ekstradimin në Shqipëri.
“Falë informacionit të siguruar nga Departamenti i Policisë Kriminale në Policinë e Shtetit dhe shkëmbimit me Policinë greke, nëpërmjet Interpol Tiranës, u bë i mundur arrestimi në Greqi, me qëllim ekstradimin në Shqipëri, i shtetasit shqiptar F. Sh., 35 vjeç, lindur në Berat. Ky shtetas ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Berat, në vitin 2021, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit’”, njofton policia.
Më tej sqarohet se në muajin maj 2021, i arrestuari kishte qëlluyar me armë zjarri ndaj shtetasit I. I.. Ngjarja që përfundoi me një të plagosur ka ndodhur në Poshnje të Beratit.
Interpol Tirana sakaq vijon bashkëpunimin me Interpol Athinën, për finalizimin e procedurave të ekstradimit të shtetasit F. Sh., në Shqipëri. (A2 Televizion)
A2 CNN Livestream
MUND TE LEXONI GJITHASHTU
