Policia e Tiranës ka vënë në pranga 18 persona dhe 28 të tjerë i ka proceduar pas akteve të dhunës gjatë protestës së opozitës.
Këto pamje të shpërndara nga blutë e Tiranës tregojnë molotovët e sekuestruar pas tubimit që zgjati gati katër orë dhe krijoi kaos në rrugët kryeqytetit.
Mes personave që do të përballet në dyert e gjykatës me policinë do të jetë edhe deputeti Klevis Balliu, i cili akuzohet për veprën penale “Organizimi dhe pjesëmarrja në grumbullime dhe manifestime të paligjshme”.
Sipas bluve të Tiranës hetimet për protestën e 20 Shkurtit po vijojnë, për të identifikuar edhe persona të tjerë që kanë marrë pjesë në aktet e dhunës.
Veprimet e policisë kanë qenë nën monitorimin e Avokatit të Popullit ku nëpërmjet një njoftimi për mediat, ky institucion bën me dije se ka qenë i pranishëm në komisariatet e Tiranës ku ka marrë dëshmitë e të ndaluarve. (A2 Televizion)
A2 CNN Livestream
MUND TE LEXONI GJITHASHTU
