Policia e Himarës ka ndihmuar dy turistë nga Lituania, të cilët kishin mbetur të bllokuar në Gjirin e Anglezit mbrëmjen e së premtes.
“Policia Kufitare Himarë iu vjen në ndihmë 2 turistëve lituanë të cilët ishin bllokuar në Gjirin e Anglezit. Mbrëmjen e djeshme, salla operative e Policisë Vlorë ka marrë njoftim për 2 turistë lituanë që ishin duke bërë ecje në vendin e quajtur “Gjiri i Anglezit”. Ata e kishin të pamundur të vazhdonin lëvizjen, pasi nuk ndiheshin mirë dhe nuk mund të vazhdonin më tej.
Menjëherë pas marrjes së njoftimit, janë organizuar shërbimet e Policisë Kufitare për t'iu ardhur në ndihmë turistëve.
Pas disa orë kërkimesh, shërbimet e Policisë lokalizuan dhe gjetën 2 turistët e huaj, të cilët më pas u shoqëruan me mjetin e Policisë Kufitare, në Himarë, ku ata ndodhen aktualisht në gjendje të mirë shëndetësore.
Turistët kanë falenderuar shërbimet e Policisë për reagimin e menjëhershëm dhe profesionalizmin e treguar.
Policia Kufitare e Vlorës është e angazhuar maksimalisht në shërbim të qytetarëve dhe vizitorëve, për të krijuar një ambient sa më të sigurt”, njofton policia. (A2 Televizion)
A2 CNN Livestream
MUND TE LEXONI GJITHASHTU
