Gjykata e Posaçme e Apelit ashpërson dënimin ndaj Alban Bengasit, ish-avokatit të akuzuar për "dhunë në familje" dhe "grup të strukturuar kriminal", raporton A2 CNN.
Ndryshe nga Shkalla e Parë, qe e fajësoi Bengasin vetëm për dhunën në familje, Apeli vlerësoi se ai duhet të fajësohet për të dyja akuzat dhe dënohet me 7 vjet burg. Për shkak të gjykimit të shkurtuar, përfundimisht ai duhet të vuajë një dënim me 4 vjet e 8 muaj burg.
Në Shkallën e Parë të Gjykatës së Posaçme, në maj të këtij viti, Bengasi u dënua përfundimisht me 1 vit e 4 muaj burg.
Avokati Bengasi u gjykua i veçuar, si një nga personat e hetuar nga SPAK si pjese e dosjes "Plumbi i arte". Në dëshminë e tij para prokurorëve, i penduari i drejtësisë, Nuredin Dumani, pretendoi se Bengasi i kishte ofruar 120 mijë euro në këmbim të vrasjes së të shoqes së tij, krim që nuk ishte pranuar të kryhej nga Dumani.
(A2 Televizion)
A2 CNN Livestream
MUND TE LEXONI GJITHASHTU
