E vërteta ka qenë gjithnjë kryefjala e reagimeve të tij. Me qetësi, shpeshherë i paqtë dhe me vepra, ka treguar kurdoherë se e donte teatrin, aq shumë sa shtëpinë e tij e shndërroi në një skenë të tillë. Me të vërtetat e tij e kujton edhe sot e bija, e cila mes duartrokitjeve dhe nderimeve të kolegëve do të duhet t’i japë një lamtumirë fizike.
Me projekte të lëna në rrugëtimin e tyre, duket se Naum Shundi do të na flasë edhe përtej ikjes së tij. Regjisorët Robert Budina e Ilir Harxhi tregojnë produksionet që jehojnë me zërin e tij, artin e tij, edhe pas ikjes fizike.
“Nuk ishte vetëm aktor, ishte regjisor, luftëtar i të drejtës, njeri që ndërtoi një teatër”, tha kineasti Robert Budina. “Ka bërë dy karaktere me mua, mirëpo në momentin që më erdhi lajmi që një nga filmat ku ai ka luajtur rolin e Ramizit, hyri në gjysmëfinale në festivalin e filmit në Firence, nuk arrita dot t’ia thosha”, tregon kineasti Ilir Harxhi.
Miq e kolegë të shumtë kanë mbërritur ta falënderojnë për gjithë kontributin që ka lënë në artin shqiptar. “Ishte nga ata artistë të mëdhenj, kokulur dhe modest. Por vepra e tij, puna e tij, talenti i tij, ulërinin gjithandej”, kujton aktori Bujar Asqeriu. “Na ka bërë një kolpo, ka shkuar të luajë në një skenë tjetër”, thotë regjisori Kiço Londo.
Naum Shundi i ka dhënë skenës, kinemasë, televizionit dhe të rinjve mësime të mëdha për magjinë e teatrit, fuqinë e fjalës dhe dashurinë për artin, në 45 vjet kontribut në kulturën shqiptare. (A2 Televizion)
A2 CNN Livestream
MUND TE LEXONI GJITHASHTU
