Ishte viti 1967 kur përmes ekranit të madh shfaqej jeta e heroinave Bule Naipi dhe Persefoni Kokëdhima.
Historia e dy vajzave të reja që kapen nga pushtuesit nazistë, torturohen për të treguar lidhjet me politikën e asaj kohe dhe në fund ekzekutimi i tyre, në fakt është një histori e vërtetë, e shënjuar përjetë në një film nga Piro Milkani e Gëzim Erebara.
Filmi “Ngadhënjim mbi vdekjen është përcjellë sërish pas thuajse 6 dekadash në kinema, por këtë herë i restauruar, në cilësinë më të mirë.
Një vlerë e jashtëzakonshme e këtij produksioni janë emrat e aktorëve që e kthejnë atë në një klasik të kinemasë shqiptare. Eglantina Kume dhe Edi Luarasi janë dy heroinat e filmit, ndërsa oficeri gjerman u interpretua nga Naim Frashëri.
Filmi për një kohë të gjatë ka qenë i ndaluar, ashtu sikurse e gjykuar dhe edhe aktorja që u përjashtua nga kinemaja dhe teatri. (A2 Televizion)
A2 CNN Livestream
MUND TE LEXONI GJITHASHTU
