Në pritjen për 112-vjetorin e Pavarësisë, Presidenti i Republikës i përcolli mesazh politikës shqiptare që të kthejë sytë nga qytetarët dhe të dialogohet për integrimin dhe të japin shembullin e një klase të maturuar për zgjedhje demokratike.
Gjithashtu, Kreu i Shtetit kërkoi mbështetje për integrimin dhe drejtësinë.
“Pavarësia e Shqipërisë, mbetet në çdo nëntor, agimi i ri i ëndrrave dhe simboli më i qartë i vendosmërisë shqiptare. Çdo nëntor është një rifillim dhe një vijim, ku vazhdojmë të ndërtojmë me vendosmëri arritjet e një vendi që është pjesë e Europës dhe që rilindi në vitin 1912 si shtet i pavarur”, tha Begaj.
“Klasa politike duhet të jetë në një dialog të hapur me popullin, të dëgjojë shqetësimet, nevojat dhe ëndrrat e tij. Kthejini sytë nga ata që përfaqësoni! Hapja e kapitujve me Bashkimin Europian është më shumë sesa një proces teknik, është test i pjekurisë sonë kombëtare”, shtoi Presidenti. (A2 Televizion)
A2 CNN Livestream
MUND TE LEXONI GJITHASHTU
