Presidenti i Republikës Bajram Begaj, ka përkujtuar sot sulmet tragjike të 11 shtatorit të 23 viteve më parë. Në një postim në rrjetet sociale kreu i shtetit shqiptar shprehet se kjo ditë duhet të shërbejë si kujtesë për luftën e vazhdueshme e kundër terrorizmit, shkruan A2. Sipas tij kërcënimi i terrorizmit nuk është zhdukur dhe nuk njeh ngjyrë apo ideologji.
“Sot, kujtojmë ngjarjet tragjike të 11 Shtatorit, 2001. Njëzet e tre vjet më parë, bota u trondit nga sulmet e paimagjinueshme që morën jetën e mijëra njerëzve të pafajshëm në SHBA. Në këtë ditë, nderojmë viktimat por edhe forcën e qëndrueshmërinë e popullit amerikan. Kjo ditë shërben gjithashtu si kujtesë për luftën e vazhdueshme kundër terrorizmit. Kërcënimi i terrorizmit nuk është zhdukur; ai nuk njeh ngjyrë apo ideologji. Nuk duhet të harrojmë kurrë këtë!”, citon A2 presidentin Begaj.
Më 11 shtator 2001, kamikazët rrëmbyen avionët amerikanë dhe i përplasën në Kullat Binjake në Nju Jork, në Pentagon pranë Uashingtonit dhe në një fushë në Pensilvani duke vrarë rreth 3,000 njerëz. (A2 Televizion)
A2 CNN Livestream
MUND TE LEXONI GJITHASHTU
