Kreu i Partisë Demokratike, Sali Berisha, gjatë një takimi me demokratët e Durrësit, akuzoi qeverinë për dështimin total në menaxhimin e fatkeqësive natyrore.
Berisha theksoi se askush nuk ka dhënë llogari për shkeljet dhe vjedhjet e fondeve publike, përfshirë kanalet e bllokuara, hidrovorët e zhvendosur dhe rrugët e ndërtuara me korrupsion.
"Ra tërmeti këtu. Pamje shumë, shumë të rënda. Si sot, kujtoj një vilë, të bukur, 3-katëshe. Pronarët e saj ishin në Greqi, kishin punuar në Greqi.
Kishin marrë projektin dhe e ndërtuan këtu. Vila u shemb sikur të ishte vilë tallashi, dhe ai thoshte se, ishte hedhur beton njësoj si ndërtimet që bëjnë në Greqi. Por problemi është se, betoni i Gjushit është beton tallashi, beton i mafies.
U shemb vila sikur të ishte prej kartoni, dhe qartë fare që betoni nuk ishte beton. A dëgjuat ju, që sipërmarrësi i betonit të përgjigjet? Asnjë! Po pse? Sepse është i mafies shtetërore.", tha Berisha. (A2 Televizion)
A2 CNN Livestream
MUND TE LEXONI GJITHASHTU
