Pas një situate të paprecedentë konflikti, Bashkia e Himarës tashmë do të ketë kryetarin e saj të dalë nga zgjedhjet e pjesshme lokale të 4 gushtit të këtij viti.
Vangjel Tavo ka marrë detyrën e kryebashkiakut të një prej zonave më të bukura të rivierës së vendit dhe që tërheq një numër të lartë vizitorësh vendas dhe të huaj.
Në fjalën e tij, Tavo premtoi se institucioni që ai drejton do të jetë i hapur ndaj të gjithëve dhe se ai do të punojë duke shërbyer.
Tavo vjen në këtë detyrë pasi në zgjedhjet lokale të 14 majit të vitit 2023, fituesi i bashkisë së Himarës, Fredi Beleri nuk arriti dot të ushtronte detyrën pasi u arrestua dy ditë para votimeve dhe u dënua për korrupsion në shit-blerjen e votave.
Aktualisht Beleri është liruar nga burgimi, ndërsa është zgjedhur edhe si eurodeputet i Greqisë i propozuar nga partia e kryeministrit grek Qirjako Mitsotakis. (A2 Televizion)
A2 CNN Livestream
MUND TE LEXONI GJITHASHTU
