Zhvillohet sot në Bruksel Samiti historik i Zgjerimit, që bashkon udhëheqësit e BE-së dhe vendeve kandidate për të diskutuar të ardhmen e integrimit evropian.
Kjo vjen në një moment vendimtar për procesin e zgjerimit, ku Shqipëria synon anëtarësimin në BE deri në vitin 2030.
Në samitin me liderët kryesorë të BE-së në të cilin do të marrin pjesë edhe udhëheqësit nga Ukraina, Moldavia, Serbia, Shqipëria, Mali i Zi dhe Maqedonia e Veriut, A2 CNN mëson se kryeministri Edi Rama nuk do të shkojë në Bruksel.
Samiti i 4 nëntorit në Bruksel, do të shënojë një moment përcaktues për politikën e zgjerimit të BE-së në zemër të Evropës, ndërsa fuqitë politike të kontinentit mblidhen për të diskutuar zgjerimin e bllokut me 27 anëtarë drejt lindjes dhe juglindjes.
Samiti do të ofrojë një platformë të parë të këtij lloji për udhëheqësit e vendeve kandidate për të shprehur perspektivat e tyre mbi udhëtimin e zgjerimit, nga vendosmëria e Ukrainës dhe Moldavisë mes luftës së vazhdueshme në Ukrainë deri te pritja prej dekadash e Ballkanit Perëndimor për anëtarësim, ku secili udhëheqës do të sjellë njohuritë e veta se si perceptohet zgjerimi nga pikëpamja e kombit të tyre dhe çfarë do të sjellë rruga përpara.
(A2 Televizion)
A2 CNN Livestream
MUND TE LEXONI GJITHASHTU
