Pas më shumë se një muaj përballje gjyqësore, sa në KQZ, KAS e Kolegj Zgjedhor, procesi zgjedhor i nisur në 4 gusht në Himarë ka përfunduar.
Komisioni Shtetëror i Zgjedhjeve i ka dhënë sot zyrtarisht Vangjel Tavos, mandatin si kryebashkiak i Himarës. Vendimi i kryekomisionerit Ilirjan Celibashi vjen pas seancave të zhvilluara në Komisionin e Ankesave dhe Sanksioneve si në Kolegjin Zgjedhor, ku trupat gjykuese hodhën poshtë pretendimet e opozitës për parregullsi në zgjedhje.
Vangjel Tavo u zgjodh kryebashkiak i Bashkisë Himarë në zgjedhjet e 4Gushtit përball Petro Gjikurisë nga koalicioni Bashkë Fitojmë. Tashmë Tavo pritet që të bëjë dhe betimin para këshillit bashkiak dhe të nisë punën në krye të Bashkisë Himarë. (A2 Televizion)
A2 CNN Livestream
MUND TE LEXONI GJITHASHTU
