Gazment Bardhi ka reaguar ndaj Kryeministri Rama pasi ky i fundit komentoi vendimin e Gjykatës së Apelit, e cila dënoi me 1 vit burg deputetin demokrat Ervin Salianji.
Kryeministri shkroi se gjykata për herë të parë ushtroi të drejtën e sanksionuar me ligj për atë që e quajti “kategorinë më të neveritshme të Shpifjes, Kallëzimit të Rremë”, shkruan A2 CNN.,
Bardhi e quan Ramën si të pafytyrë dhe frikacak, ndërsa thotë se do të ketë fund të tmerrshëm, që sipas deputetit demokrat, është i afërt.
“I pafytyrë dhe frikacak! Të gënjen mendja se do trimërohesh duke keqpërdorur gjykatat për të “frikësuar” e dënuar pa ligj e prova opozitën.
Ti je Kryeministri i vetëm në botë që bërë Ministër të Brendshëm vëllain e një trafikanti të dënuar droge nga një vend i BE!
Ti je i vetmi Kryeministër në botë që akuzohesh nga zëvendësi yt se ka një koordinator të posaçëm për marrëdhëniet me krimin e organizuar, i cili nesër pritet të emëroj Drejtorin e ri të Përgjithshëm të Policisë së Shtetit.
Ti je i vetmi Kryeministër në botë që ke vëllain të dyshuar si trafikant droge.
Ti je i vetmi Kryeministër në botë që të trimëron dhe të mban në pushtet krimi i organizuar.
Ti je i vetmi Kryeministër në botë që bëre deputet e kryebashkiak trafikant droge, vrasës e përdhunues.
Do mbetesh unik në historinë botërore për fundin e tmerrshëm dhe të afër që të pret!”, mbyllet reagimi (A2 Televizion)
A2 CNN Livestream
MUND TE LEXONI GJITHASHTU
