“Mbylle gojën, k…!” Plas keq në Kuvend: Gore, ça ke?

Nga A2 CNN
4 Korrik 2024, 10:48 | Politikë

Debate të ashpra në Kuvend mes Gazment Bardhit dhe Erjon Braçes.

Dy deputetët i janë drejtuar me fjalor shumë të ulët njëri-tjetrit, me Bardhin që nga foltorja e Kuvendit i tha Braçes: “Gore, ça ke? Mbyll gojën ti dhe mos guxo të ndërhysh kur flas unë. Mbaj vendin aty e mos ndërhy. Mos fol fare. Zëdhënës i krimit të organizuar. Vrave një njeri në dyert e SPAK, ti dhe qeveria jotë që nuk ndërhyni në kreditë e këqija".

Ndërkohë, përgjigjja e Braçes ishte në të njëjtën valë: “Mbylle gojën, k…!”.

Tensionet erdhën pasi kreu i grupit parlamentar të PD, Gazment Bardhi, akuzoi se këshilltari i Edi Ramës ishte një agjent i Sigurimit të Rumanisë, gjeneral Florian Coldea.

Kreu i grupit parlamentar të PS-së, Bledi Çuçi u përgjigj më tej: "Hipokrizia në këtë parlament, ka marrë përmasa që lidhen me një fakt historik, që i ka dalë boja. Koha kur Damir Fazlliç ulej në Këshillin e Sigurimit dhe një këshilltar i marr nga mafia, ka kaluar. Personi për të cilin kryetari i grupit kërkoi interpelancë është një ish-zyrtar i lartë i shërbimeve inteligjente, me gradën gjeneral që ka udhëhequr procese që lidhen me luftën kundër korrupsionit. Kryeministri shqiptar e ka marrë në këtë pozicion kur nuk ishte më në atë detyrë. Në momentin që kryeministri e ka marrë vesh këtë gjë, e ka larguar".

  (A2 Televizion)

A2 CNN Livestream

Latest Videos