Asamblesë socialiste, Edi Rama ia bëri të qartë se kërkesa e protestuesve për dorëheqjen e tij si Kryeministër nuk është vetem për të si person.
"Nuk e kanë me mua, e kanë me ju! E kanë me PS! Unë thjesht jam pengesa më e madhe”, tha Rama, shkruan A2.
Ylli i Shqipërisë si pjesë e BE, thotë se e pengon të marrë në konsideratë ndonjë zgjidhje tjetër: “E kemi të ndaluar ta mendojmë se mund të ndalim e shohim a mund të bëjmë diçka... Jemi me kronometër me Brukselin. Duhet të përmbushim detyra”.
Mbledhja e Asamblesë shënon dhe ndezjen e motorëve elektoralë të Partisë Socialiste për zgjedhjet e 9 Majit: “Tani ka ardhur koha për një prani politike. Të flasim ne... një debat për Shqipërinë, çfarë Shqipërie duam”.
Mbrojti modelin e tij ekonomik, si motor i pasurisë që duhet shpërndarë: “Pasuria duhet krijuar dhe ajo nuk krijohet duke parë me dyshim paranë. Nuk është e vërtetë që jam kthyer te e majta ideologjike me paketën fiskale”.
Me dyer të mbyllura, porosia ishte që kandidatët për bashkiaket e vitit 2027 të zgjidhen edhe në funksion të fitores në parlamentaret e 2029. (A2 Televizion)
A2 CNN Livestream
MUND TE LEXONI GJITHASHTU
