Vota e diasporës është fokusi kryesor i PS për zgjedhjet e ardhshme parlamentare, me bindjen se mund të jetë elementi që do të bëjë diferencën në rezultatin elektoral të 11 Majit.
Edi Rama, në cilësinë e Kryetarit të PS mblodhi drejtuesit politik mëngjesin e së hënës në selinë rozë për të dëgjuar nga ata raportimet për zonat e tyre elektorale.
A2CNN ka mësuar se Edi Rama ju ka vendosur socialistëve si objektivi për zgjedhjet e 11 majit, 300 mijë vota nga diaspora. Në dëgjesën për diasporën ishin të pranishëm online edhe kryetarët e bashkive të majta.
Ndryshe nga herët e tjera, burime për A2CNN bëjnë me dije se Erion Veliaj nuk ishte si pjesë e drejtimit politik të Tiranës, por mbledhjen e ndoqi në mënyrë virtuale si koleget e tjerë të bashkive.
Pasi morën porosi nga Rama që të kenë gati të gjithë censin e votës së diasporës para se të nisë procesi i regjistrimit nga KQZ për diasporën, socialistët u zhvendosen në mbledhjen e qetë të grupit parlamentar në kryesinë e Kuvendit.
Në takimin e fundit për këtë vit, mazhoranca tregoi vendosmërinë për të votuar në seancën e fundit parlametare të 19 dhjetorin për faljen e gjobave, pavarësisht kundërshtisë së PD.
Para se të marrin pushimet e dimrit socialistët dhe demokratë do të duhet të marrin rrugën për Prishtinë për të marrë pjesë në mbledhjen e përbashkët të dy Kuvendve Shqipëri-Kosovë që do mbahet në 20 dhjetor. (A2 Televizion)
A2 CNN Livestream
MUND TE LEXONI GJITHASHTU
