Opozita sërish nuk ka lejuar deputetët e mazhorancës të vijojnë agjendën parlamentare, këtë herë për prezantimin e projektbuxhetit për vitin 2024, i cili ka nisur të diskutohet në komisione.
Në një dalje për mediat, Sali Berisha u shpreh se opozitës po i mohohen të drejtat në parlament, teksa shtoi se mazhoranca nuk pranoi 31 nisma të saj, përfshirë këtu dhe ngritjen e komisioneve hetimore, të cilat, sipas tij, janë vetëm në interes të qytetarëve shqiptarë.
“Nëse bëni një rishikim të regjistrimeve, në mënyrë të përsëritur kam paralajmëruar zonjën se po shkatërron parlamentin duke shkelmuar Kushtetutën në mënyrë të përditshme. Pas një durimi të zgjatur të deputetëve të opozitës dhe përpjekjes për të rivendosur të drejtat, erdhi një moment kur qenia e tyre në parlamenti ishte fiktive. Kur 600 mijë votues kishin zero përfaqësues në parlament, pasi përfaqësuesve të tyre iu mohohej e drejta. Opozita nuk kishte vota të miratonte votën e tyre, por trajtimi i tyre është detyrim kushtetues dhe kusht për një parlament pluralist. 31 iniciativa ligjore në emër të gjithë shqiptarëve, asnjë prej tyre Edi Rama nuk pranon të paraqiten në parlament dhe komisione. Kjo bëhet që qytetarët mos mësojnë për këto nisma të ndërmarra nga opozita”, tha mes të tjerash Sali Berisha. (A2 Televizion)
A2 CNN Livestream
MUND TE LEXONI GJITHASHTU
