Kreu i Partisë Demokratike, Sali Berisha, ka reaguar pas deklaratës së kryeministrit Edi Rama për agjencinë Reuters, ku ky i fundit u shpreh se nuk do të japë dorëheqjen, pavarësisht protestave të studentëve dhe thirrjeve për largimin e tij.
I pyetur nëse qëndrimi i Ramës rrezikon ta çojë vendin drejt destabilitetit, Berisha deklaroi se kryeministri i ka të humbura betejat politike në situatën aktuale.
“Në një situatë të tillë, ju garantoj se Edi Rama e ka të humbur çdo betejë”, u shpreh Berisha.
Berisha i bëri thirrje Ramës të gjejë një zgjidhje për situatën, duke i kërkuar të mos përdorë policinë si “mish për top”. Ai gjithashtu u bëri thirrje efektivëve të Policisë së Shtetit që, sipas tij, nuk janë të përfshirë në krim dhe drogë, të japin dorëheqjen.
“E pa mbrëmë se kush ishin luanët e sheshbetejës. E pa! Mos të përdorë policinë si mish për top”, deklaroi Berisha.
Në vijim, kreu i opozitës u bëri thirrje qytetarëve dhe bizneseve të mbështesin protestat studentore, të cilat, sipas tij, janë shtrirë në të gjitha qytetet e mëdha të vendit.
(A2 Televizion)
A2 CNN Livestream
MUND TE LEXONI GJITHASHTU
