Pas presidenti Bajram Begaj edhe kryetarja e Kuvendit Elisa Spiropali ka uruar zgjedhjen e kreut të ri të Kuvendit të Kosovës. Në një mesazh në rrjetet sociale, Spiropali shprehet se mezi pret që të rifillojë bashkëpunimin vëllazëror mes dy Kuvendeve, për të mirën e qytetarëve, për integrimin dhe mbrojtjen e të drejtave të shqiptarëve në rajon.
“Urime e sukses Kryetarit të ri, të sapozgjedhur, të Kuvendit të Kosovës, Dimal Basha! Përgëzime Kuvendit të Kosovës, për çeljen e rrugës për ndërtimin e institucioneve të reja demokratike pas zgjedhjeve.
Mezi pres të rifillojmë bashkëpunimin e ngushtë vëllazëror mes Kuvendit të Shqipërisë dhe Kuvendit të Kosovës, për të mirën e qytetarëve tanë, për mbështetjen e integrimit euroatlantik të dy vendeve tona, dhe garantimin e mbrojtjen e të drejtave të shqiptarëve në rajon”, shkruan Spiropali. (A2 Televizion)
A2 CNN Livestream
MUND TE LEXONI GJITHASHTU
