Rritja e moshës riprodhuese tek gratë, stili i jetës dhe kequshqyerja po shtojnë sëmundjet tumorale gjinekologjike.
Edhe pse nuk ka shifra të sakta, mjekët specialistë po vënë re se dekadat e fundit, edhe në Shqipëri, janë rritur sëmundjet tumorale, raporton A2 CNN.
Kanceri i qafës së mitrës dhe patologji të tjera kërkojnë diagnostikim të hershëm thonë mjekët. Por Eliona Demaliaj, drejtoresha e maternitetit “Mbretëresha Geraldinë” tregon se edhe teknologjia e diagnostikimit dhe trajtimit të sëmundjeve tumorale-gjinekologjike ka avancuar.
Inteligjenca artificiale dhe ndërhyrjet kirurgjikale me robotikë nuk janë vetëm në teori.
Gjatë një konference shkencore-mjekësore organizuar nga spitali “Mbretëresha Geraldinë”, profesorë shqiptarë dhe profesorë nga Universiteti i La Sapienzës në Romë, janë diskutuar dhe shkëmbyer eksperienca në lidhje me ndërhyrjet kirurgjikale gjinekologjike dhe risitë e shkencës dhe teknologjisë së informacionit në ndihmë të mjekësisë (A2 Televizion)
A2 CNN Livestream
MUND TE LEXONI GJITHASHTU
