Ndërkohë që sulmet ruse kanë marrë një tjetër drejtim në Ukrainë, duke shënjestruar në përgjithësi objektet infrastrukturore të rëndësisë së veçantë, presidenti Vladimir Putin zhvilloi një takim me krerët e ushtrisë që drejtojnë ofensivën e nisur prej muajit shkurt.
Kreu i Kremlinit qëndroi për disa orë në zyrat qendrore të ushtrisë për të diskutuar me komandantët dhe gjeneralët për mënyrën se si do të vijojnë lufta në Ukrainë.
Sipas mediave shtetërore, Putin ka kërkuar mendim nga strategët e luftës për hapat e radhës që do të ndiqen, në një kohë kur shërbimet sekrete perëndimore dhe ukrainase kanë paralajmëruar një ofensivë të re ruse me nisjen e pranverës.
Putin shoqërohej në këtë takim nga ministri i Mbrojtjes Sergei Shoigu dhe shefi i Forcave të Armatosura Valeriy Gerasimov.
Prania e gjeneralit Gerasimov i jep fund zërave që qarkullojnë në internet se ai ishte shkarkuar nga posti i tij. 67-vjeçari është vënë në shënjestër të kritikave intensive nga komentuesit, të cilët e kanë akuzuar se është tepër i kujdesshëm. (A2 Televizion)
A2 CNN Livestream
MUND TE LEXONI GJITHASHTU
