Edlira Naqellari, ish-drejtoresha e Agjencisë së Blerjeve të Përqendruara, i kërkoi SPAK t'i kthejë telefonin e sekuestruar pas arrestimit të saj. Por, Gjykata e Posaçme e rrëzoi këtë kërkesë.
Sipas Gjykatës së Posaçme, telefoni nuk mund të kthehet pasi nevojitet ekzaminimi i plotë i komunikimeve të kryera përmes tij, për llogari të hetimit të nisur.
Naqellari, ish-drejtoreshë e Blerjeve të Përqendruara në Ministrinë e Brendshme, po hetohet nga SPAK për "shkelje të barazisë në tendera", lidhur me tenderin 2,8 miliardë të uniformave të policisë. Naqellari u arrestua më 10 korrik bashkë me 9 persona të tjerë të akuzuar për "shpërdorim detyre" dhe "shkelje të barazisë në tendera".
Pak ditë më parë, Gjykata e Posaçme refuzoi kërkesën e saj për zbutje të masës së sigurisë. (A2 Televizion)
A2 CNN Livestream
MUND TE LEXONI GJITHASHTU
