Anëtarësimi në Bashkimin Europian vijon të jetë një rrugëtimi i vështirë, por jo i pamundur për kreun e delegacionit të BE-së.
Në nisjen e shkollës së Integrimit Europian, Luigi Soreca nënvizoi se për të arritur qëllimin duhen dyfishuar përpjekjet.
“Si një shtet që dëshiron të anëtarësohet në BE, Shqipëria duhet të dyfishojë përpjekjet e saj, të ketë atë shndërrim socio-ekonomik që i duhet vendit dhe duhet të bëhen bashkë të gjithë aktorët nga pjesët e ndryshme të politikës në Shqipëri”, u shpreh Soreca.
Kryetarja e Këshillit Kombëtar të Integrimit, Jorida Tabaku, gjithashtu e pranishme në konferencë, kritikoi qeverinë për punën e bërë në 8 vite, duke bërë krahasime me Malin e Zi.
“Kur kam qenë unë në krye të integrimit, ne ishim në të njëjtin nivel me Malin e Zi, por sot Mali i zi na ka superuar e na ka kaluar. Kjo për shkak se shumë të këqija ne na vijnë nga vetja”, tha Tabaku.
Zëvendëskryetari i Këshillit, Taulant Balla gjithashtu është skeptik për procesin e integrimit, por ndryshe nga Tabaku, problemin e sheh brenda unionit. Balla shtoi se qeveria do të vijojë me reformat e integrimit, ndërsa u shfaq krenar për punën e bërë deri më tani. (A2 Televizion)
A2 CNN Livestream
MUND TE LEXONI GJITHASHTU
