Agjencia ndërkombëtare e vlerësimit Standard&Poors ka mbajtur të pandryshuar notën për Shqipërinë, duke konfirmuar vlerësimin aktual në B+.
Në rishikimin e saj të fundit, agjencia vlerëson se borxhi publik pritet të ulet nën nivelin e 60% deri në fund të vitit 2022.
Në këtë drejtim, edhe pse nuk konstaton pengesa për huamarrje në tregun e brendshëm, vlerëson mundësitë që qeveria t’i drejtohet tregjeve të huaja duke shfrytëzuar interesat e ulëta.
Teksa konfirmon perspektivën e qëndrueshme, agjencia konstaton një sërë rreziqesh për ekonominë e vendit në të ardhmen, që lidhen me informalitetin, rritjen e moderuar të kreditimit si dhe rreziqet që vijnë nga kontratat koncesionare PPP.
Niveli i lartë i përdorimit të euros në vend evidentohet po ashtu si një tjetër rrezik i shtuar për ekonominë e vendit, që me gjithë përpjekjet e Bankës së Shqipërisë për të reduktuar përdorimin e valutës, duket se nuk kanë dhënë efektin e pritshëm. (A2 Televizion)
A2 CNN Livestream
MUND TE LEXONI GJITHASHTU
