SPAK-u duket se po hyn në hullitë për të cilat u ngrit. Prokurorët e SPAK bëjnë goditjen më të madhe të viteve të fundit për sa i përket botës së krimit. Hetimet e këtij procedimi penal kanë të bëjnë me dy ngjarje të ndodhura para 15 vitesh, autorët e të cilave nuk ishin zbuluar. Më konkretisht, bëhet fjalë për ngjarjen e ndodhur në datën 26.02.2005, ku është qëlluar me armë zjarri shtetasi Klodian Saliu. Ngjarja e dytë është ajo e datës 27.02.2005, si pasojë e një shpërthimi me lëndë plasëse, kanë gjetur vdekjen shtetasit Vajdin Lamaj dhe Artan Arsi. Ngjarja ka ndodhur në pallatin ku banonte viktima Vajdin Lamaj, një biznesmen i njohur atë kohë, një ngjarje që bëri shumë bujë në kryeqytet. Gazetari Armand Bajrami sjell më shumë detaje. (A2 Televizion)
A2 CNN Livestream
MUND TE LEXONI GJITHASHTU
