Spanja nuk ka arritur dot të fitojë edhe ndeshjen e dytë të grupit E. Pas barazimit 0-0 ndaj Suedisë, ekipi i Luis Enrique barazoi edhe me Poloninë, kësaj radhe me gola, 1-1.
Goli i Alvaro Moratës në minutën e 25 të pjesës së parë nuk i mjaftoi spanjollëve, pasi në pjesën e dytë erdhi përgjigjja e Robert Lewandowski (54’).
4 minuta më vonë, Spanja humbi rastin më të mirë për të kaluar sërish në avantazh, pasi Gerard Moreno humbi 11-metërsh.
Një rezultat që i lë në pozitë të vështirë të dyja ekipet, me Spanjën që renditet e treta në grup, me 2 pikë, dhe Poloninë që ndodhet e fundit, me vetëm 1 pikë.
Në ndeshjet e fundit të grupit E, Spanja do të përballet me Sllovakinë e vendit të dytë (3 pikë), ku i duhet medoemos fitorja, ndërsa Polonia me Suedinë kryesuese (4 pikë). (A2 Televizion)
A2 CNN Livestream
MUND TE LEXONI GJITHASHTU
