Një roje sigurie i ambasadës britanike në Berlin, që u kap duke spiunuar për rusët, është dënuar me më shumë se 13 vite burg.
David Ballantyne Smith, 58 vjeç, u shpall fajtor për tetë akuza edhe pse ai vetë u shpreh se nuk ka bërë asgjë me qëllimin për të bërë keq.
58-vjeçari u dënua me 13 vite dhe dy muaj burg dhe do të vendoset nëse dënimin do ta vuajë në Gjermani apo në Britaninë e Madhe.
Smith, i cili është nga Skocia u shpreh se ishte në depresion, i vetmuar dhe shumicën e kohës i dehur kur ka nisur që të nxjerrë sekrete të ambasadës.
Megjithatë, gjykatësi i çështjes u shpreh se roja i sigurisë kishte mbledhur materiale të konsiderueshme për të dëmtuar interesat e britanikëve duke ia servirur “një fuqie armiqësore.” (A2 Televizion)
A2 CNN Livestream
MUND TE LEXONI GJITHASHTU
