Michel Platini dhe ish-presidenti i FIFA-s, Sepp Blatter, janë shpallur sërish të pafajshëm në apel nga gjykatat zvicerane për rastin e mashtrimit që në vitin 2015 shkatërroi ambiciet e francezit për t'u bërë lider i futbollit botëror.
Ashtu si në shkallën e parë, edhe në vitin 2022, Gjykata e Jashtëzakonshme e Apelit e Gjykatës Penale Federale, e mbledhur në Muttenz, nuk pranoi kërkesat e Prokurorisë Publike, e cila në fillim të marsit kishte kërkuar 20 muaj paraburgim të pezulluar për secilin prej të pandehurve.
Hetimi për të ashtuquajturën “Fifa-Gate” zgjati gati dhjetë vjet , në të cilin, përveç Blaterit, u akuzua edhe ish-futbollisti dhe presidenti i UEFA-s, Michel Platini. Një histori pagesash “të dyshimta” që në fakt i përjashtuan nga pozicionet kryesore të futbollit botëror.
Më 8 tetor 2015, pas një hetimi të kryer nga gjyqësori zviceran, Komiteti i Etikës i FIFA-s e pezulloi Platinin për 90 ditë. Akuza ka të bëjë me marrjen e paligjshme, në vitin 2011, të dy milionë frangave zvicerane nga presidenti i atëhershëm Sepp Blatter, si kompensim për punën e konsulencës të kryer midis viteve 1999 dhe 2002.
Gjatë kësaj periudhe, funksionet e tij brenda UEFA-s iu besuan përkohësisht zëvendëspresidentit Ángel María.
Më 21 dhjetor 2017, FIFA e ndaloi atë nga të gjitha aktivitetet e futbollit për tetë vjet, një dënim që më vonë u reduktua në gjashtë vjet. Pas një apeli në Gjykatën e Arbitrazhit Sportiv në Lozanë, më 9 maj 2016 skualifikimi u reduktua më tej në katër vjet. Megjithatë, pasi akuzat nuk u rrëzuan siç pritej, në të njëjtën ditë Platini njoftoi synimin e tij për të dhënë dorëheqjen nga presidenca e UEFA-s.
Më 25 maj 2018, sistemi i drejtësisë zvicerane e liroi atë nga të gjitha akuzat, duke mos gjetur asnjë shkelje në veprimet e tij. Me atë rast, rrethi i tij theksoi se akuzat e ngritura ndaj tij kishin për qëllim ekskluzivisht komprometimin e karrierës së tij menaxheriale.
Më 8 korrik 2022, Gjykata Penale Federale në Bellinzona liroi Platinin dhe Blatterin nga akuza e mashtrimit të FIFA-s, duke u dhënë atyre kompensim për të gjithë gjyqin, kompensim nga i cili Platini vendosi të heqë dorë. (A2 Televizion)
A2 CNN Livestream
MUND TE LEXONI GJITHASHTU
