Barcelona vazhdon të tregojë një formë të jashtëzakonshme në La Liga, duke regjistruar ndeshjen e 14-të pa humbje (12 fitore, 2 barazime) me një fitore minimale 1-0 ndaj Mallorcas në Estadi Olímpic Lluís Companys, duke konsoliduar vendin e parë në renditje.
Pas një përmbysjeje dramatike ndaj Celta Vigos (4-3), ku shënuan tre herë në 30 minutat e fundit, katalanasit kërkonin të ruanin avantazhin prej pesë pikësh në krye të tabelës. Edhe pse trajneri Hansi Flick vendosi të pushojë emra si Robert Leëandoëski dhe Raphinha, skuadra krijoi raste të shumta që në pjesën e parë, por pa arritur të konkretizojë. Lamine Yamal, Ferran Torres dhe Ansu Fati humbën disa mundësi të mira, ndërsa portieri Leo Román u tregua i pakalueshëm. Gavi pati një rast të artë, por gjuajtja e tij u devijua nga Copete dhe përfundoi në shtyllë.
Mallorca, që synon një vend në Europë, rezistoi mirë në pjesën e parë dhe pati një gol të anuluar për pozicion jashtë loje nga Mateo Jaume.
Barcelona e nisi pjesën e dytë duke shënuar që në minutën e parë me një realizim nga Dani Olmo, që realizoi golin e nëntë në 11 ndeshje si titullar në La Liga këtë sezon.
Pavarësisht përpjekjeve të Mallorcas për të reaguar, Barcelona menaxhoi mirë pjesën e mbetur të takimit dhe siguroi tre pikë të rëndësishme përpara finales së Kupës së Mbretit ndaj Real Madridit këtë të shtunë. (A2 Televizion)
A2 CNN Livestream
MUND TE LEXONI GJITHASHTU
