Brazili u largua nga Botërori 2026 më herët se sa ëndërronte, por sipas legjendës Cafu, plagët e "Seleçaos" nuk do të shërohen vetëm me ndryshime taktike apo me gjetjen e fajtorëve. Për kapitenin e skuadrës kampione të botës në vitin 2002, rruga drejt rikthimit në majën e futbollit nis nga baza: t'u rikthehet fëmijëve kënaqësia për të luajtur futboll, pa u ngarkuar me peshën e pritshmërive të një kombi të tërë.
Eliminimi bën që pritja e Brazilit për trofeun e gjashtë të zgjasë të paktën deri në vitin 2030, plot 28 vite pa një titull botëror, periudha më e gjatë pa triumf në historinë e "Seleçaos". Megjithatë, ish-mbrojtësi legjendar nuk e sheh këtë eliminim si fundin e një epoke. Përkundrazi, ai beson se është fillimi i një gjenerate të re, e cila duhet të ndërtohet me qetësi dhe vizion afatgjatë.
Presioni do të jetë edhe më e madhe. Nëse ndienim shumë presion në vitin 1994 pas 24 vitesh pa një titull të Kupës së Botës, imagjinoni tani në vitin 2030 pas 28 vitesh. Skuadra braziliane është përballur gjithmonë me presion, sepse të gjithë e dinë potencialin dhe aftësitë e tyre. Një cikël i ri fillon, një brez i ri vjen, por nuk është fundi i botës. Është fillimi i një cikli të ri dhe një brezi të ri në mënyrë që Brazili të mund ta arrijë atë titull botëror.
Në të njëjtën ditë, Cafu mori pjesë në një aktivitet simbolik në zemër të Nju Jorkut, ku inauguroi një kopje gjigante të trofeut të Kupës së Botës, të ndërtuar nga mbi 1.36 milionë tulla LEGO. Skulptura, 8.47 metra e lartë, u realizua nga 59 ekspertë në rreth 3 vite e gjysmë orë pune. Instalacioni do të qëndrojë i hapur për publikun deri në finalen e 19 korrikut. (A2 Televizion)
A2 CNN Livestream
MUND TE LEXONI GJITHASHTU
