
Manchester City ka bërë një hap fals duke dorëzuar ndoshta titullin kampion te Arsenali.
Ekipi i Guardiolës barazoi 3-3 përballë Evertonit, në një ndeshje dramatike të cilën po e humbnin 3-1 deri në sekondat e fundit.
Doku në pjesën e parë kaloi në avantazh Cityn, por gafat amatoreske në pjesën e dytë bënë që Evertoni të shënonte 3 herë, shkruan A2.
Halaand shkurtoi diferencën dhe City u hodh në sulm në kërkim të barazimit i cili erdhi vetëm në minutën e 97 përsëri me Doku.
Një barazim që gjithsesi vlen pak për Manchester City, që tashmë e sheh veten 5 pikë larg Arsenalit kryesues, me londinezët që kanë luajtur një ndeshje më shumë. (A2 Televizion)