Që vendet mikpritëse të Kupës së Botës 2030 dhe 2034 ishin vendosur tashmë, kjo dihej dhe nuk përbën asnjë çudi.
Por tani është zyrtare! Spanja, Maroku, Portugalia dhe një pjesë e Amerikës së Jugut (Argjentina, Uruguai dhe Paraguai) do të presin Kupën e Botës së ardhshme. Pastaj do të jetë radha e Arabisë Saudite, katër vjet më vonë.
Vendimi i dyfishtë është marrë përmes votimit të një kongresi virtual të federatës ndërkombëtare të futbollit.
Turneu i vitit 2030 do të shënojë një shekull që kur Kupa e parë e Botës u mbajt në Uruguai dhe si rezultat, për herë të parë kombi i Amerikës së Jugut do ta fitojë këtë të drejtë së bashku me Argjentinën dhe Paraguain.
Kjo e bën atë një kandidaturë krejtësisht të paprecedentë, që përfshin tre konfederata të ndryshme kontinentale. FIFA konfirmoi më shumë se një vit më parë se propozimi i përbashkët i udhëhequr nga Maroku, Spanja dhe Portugalia ishte kandidatura e vetme për vitin 2030.
Një ofertë e përbashkët britanike dhe irlandeze u tërhoq kur të dy vendet vendosën të fokusoheshin te organizimi i Euro 2028, ndërsa pati sugjerime për një ofertë të pasuksesshme nga Koreja e Jugut, Kina, Japonia dhe Koreja e Veriut.
Për sa i përket vitit 2034, FIFA përdori parimin e saj të rotacionit të turneut kryesor midis kontinenteve të caktuara, duke pranuar vetëm oferta nga Azia ose Oqeania. Organi u dha ofertuesve të mundshëm vetëm një muaj vitin e kaluar për të dorëzuar aplikimet dhe Australia me Indonezinë e braktisën shpejt idenë për të paraqitur një ofertë.
Kjo e la Arabinë Saudite si kandidaten e vetme në garë, duke i hapur rrugën rikthimit të Kupës së Botës në rajonin e Gjirit pasi në vitin 2022 u zhvillua në Katar. Temperaturat e verës në hemisferën veriore mund ta shtyjnë zhvillimin e turneut në fund të vitit, siç ndodhi në 2022. (A2 Televizion)
A2 CNN Livestream
MUND TE LEXONI GJITHASHTU
