Pas fitores në kampionat me Skënder Gegën si trajner, Partizani ka gjetur një fitore shumë të rëndësishme edhe në Kupën e Shqipërisë.
Ekipi i kuq ka mundur në transfertë Egnatian me shifrat 1-0, shkruan A2.
Autori i golit të vetëm të ndeshjes ishte Albers Keko.
Ishte Egnatia ekipi që dominoi ndeshjen, me më shumë zotërim topi dhe raste të krijuara, ndërsa Partizani dukej i kënaqur edhe me një barazim.
Por, një kundërsulm në minutat e fundit solli penalltinë e fituar dhe të transformuar nga Keko, që i mjaftoi të kuqve për një sukses minimal.
(A2 Televizion)
