
Në minutën e 66 të ndeshjes Lazio-Milan, Rafael Leao u bë protagonist për keq, pasi nuk ishte dakord që t’i linte vendin gjermanit Fulkrug.
Portugezi doli ngadalë nga fusha, duke protestuar hapur, edhe pse kuqezinjve i duhej të përmbysnin rezultatin 1-0, shkruan A2.
Në këtë moment regjia fokusoi drejtorin sportiv të Milanit, Igli Tare, i cili u shfaq i nervozuar me situatën.
Tare foli me Matteo Gabbian, duke iu ankuar për sjelljen e yllit të ekipit, i cili më pas refuzoi edhe përqafimin e trajnerit Massimiliano Allegri.
(A2 Televizion)