Milan është mundur në shtëpi nga Udinese me rezultatin 1-0, që arrin kështu fitoren e parë në kampionat, në javën e 11 të Serisë A.
Milani e nisi ndeshjen me shumë mungesa në mbrojtje (Kalulu, Kjaer, Pellegrini), të cilave iu shtua dhe ajo e Theo Hernandez, pak minuta para nisjes së takimit.
Udinese luajti një ndeshje të kujdesshme, duke i lënë shumë pak hapësira Milanit dhe duke e goditur me penalltinë e Pereyras, në pjesën e dytë (62’).
Reagimi i kuqezinjve erdhi vetëm në minutat shtesë të ndeshjes, por goditjet nga distanca të Florenzit gjetën përgjigjen e portierit mik.
Me vetëm një pikë në 3 ndeshjet e fundit, Milani e sheh veten tashmë 6 pikë larg kryesuesve të Interit, të cilët fituan pasdite ndaj Atalantës me rezultatin 2-1. Golat për zikaltërit u shënuan nga Çalhanoglu dhe Lautaro.
(A2 Televizion)
A2 CNN Livestream
MUND TE LEXONI GJITHASHTU
