UEFA ka njoftuar të premten se Luis Diaz, sulmuesi i Bayern Munich, është pezulluar për tre ndeshje pas daljes me karton të kuq në fitoren 2-1 ndaj Paris Saint-Germain këtë muaj. Diaz, i cili shënoi të dy golat e Bayernit, u përjashtua nga loja pas një ndërhyrjeje të dhunshme ndaj Achraf Hakimit në fund të pjesës së parë.
Një ditë më vonë, PSG konfirmoi se Hakimi kishte pësuar një dëmtim serioz në kyçin e këmbës së majtë dhe mbrojtësi nuk është aktivizuar që prej asaj ndeshjeje. Madje, ai u shfaq me skuter në ceremoninë ku u shpall “Lojtari Afrikan i Vitit”.
Trajneri Vincent Kompany fillimisht besonte se Diaz do të mungonte vetëm kundër Arsenalit, por pezullimi prej tre ndeshjesh do ta mbajë atë jashtë edhe ndaj Sporting më 9 dhjetor dhe Union Saint-Gilloise më 21 janar.
Bayern kryeson grupin e Ligës së Kampionëve me 12 pikë pas katër ndeshjeve, duke qenë një nga tre ekipet me bilanc perfekt, përkrah Arsenalit dhe Interit. (A2 Televizion)
A2 CNN Livestream
MUND TE LEXONI GJITHASHTU
