Disa futbollistë të Serisë A italiane thuhet se janë ndër klientët e një klubi që ka qenë subjekt i një hetimi nga Prokuroria e Milanos për nxitjen dhe shfrytëzimin e prostitucionit në zonën e jetës së natës në Milano.
Sipas hetimit, atyre iu ofrua një paketë e plotë shërbimesh: mbrëmja në klub, hoteli dhe një eskortë. Mbrëmjet kushtuan disa mijëra euro.
Katër urdhër-arrestet shtëpiake u lëshuan kundër një organizate kriminale që, sipas hetimit, promovonte një aktivitet që synonte nxitjen dhe shfrytëzimin e prostitucionit, shkruan A2.
Hetimet e kryera nga Njësia e Policisë Ekonomike dhe Financiare në Milano, siç thuhet në një deklaratë, kanë dhënë një sasi të konsiderueshme provash që janë veçanërisht të rëndësishme në lidhje me mënyrën e veprimit të të dyshuarve: pas mbulesës së një kompanie planifikimi eventesh me seli në Cinisello Balsamo, ata e kishin përqendruar biznesin e tyre në rekrutimin e grave, përfshirë eskorta profesioniste, të cilat ishin të disponueshme për të marrë pjesë në evente dhe ishin gjithashtu të gatshme të ofronin shërbime seksuale.
Këto gra qëndronin në ambientet e kompanisë dhe më pas paguheshin për të kaluar mbrëmjet me një klientelë veçanërisht të pasur. Këto përfshinin sipërmarrës dhe një numër të konsiderueshëm futbollistësh të Serisë A. (A2 Televizion)
A2 CNN Livestream
MUND TE LEXONI GJITHASHTU
