Trajneri i Kombëtares, Sylvinho, komentoi deklaratën e Presidentit serb Aleksandar Vuçiç, i cili në një tubim politik i bëri thirrje trajnerit të Kombëtares së vendit të tij që të shkonte në Shqipëri dhe të fitonte, në ndeshjen e 7 qershorit.
“Shumë njerëz nga Nishi harrojnë se çfarë është bërë. E pashë pak kohë më parë dhe tani po shoh që është këtu, ju lutem duartrokitni fort trajnerin e Serbisë, Dragan Stojković, një legjendë e Nishit, i cili nuk u fsheh si shumë të tjerë dhe erdhi të jetë me ne sonte. Në qershor luani atje kundër Shqipërisë, për t'i mposhtur ata”, tha Vuçiç nga podiumi i tubimit të mbajtur në Nish.
“E kam dëgjuar, sigurisht, por futbolli është i bukur sepse zgjat 90 minuta. Në këtë rast kemi 180 minuta dhe duhet të japim gjithçka aty. Më vonë mund të flasim. Jemi të kënaqur për lojtarët”, tha trajneri brazilian.
I pyetur për ndikimet emocionale në këtë takim, që vjen gati 11 vite pas incidenteve të dhunshme të ndodhura në Beograd, ku ndeshja Serbi-Shqipëri u ndërpre për shkak të futjes së tifozëve në fushë, Sylvinho tha se lojtarët duhet të ruajnë përqendrimin për atë që ndodh në fushën e lojës.
Shqipëria do të përballet me Serbinë më 7 qershor, në “Arenën Kombëtare”, duke nisur nga ora 20:45.
Ndërsa ndeshja ndaj Letonisë do të luhet më 10 qershor, në stadiumin “Skonto Stadions”, po në orën 20:45.
Lista e plotë:
Portierë: Thomas Strakosha, Elhan Kastrati, Alen Sherri, Mario Dajsinani
Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Ardian Ismajli, Berat Gjimshiti, Arlind Ajeti, Adrian Bajrami
Mesfushorë: Ylber Ramadani, Juljan Shehu, Kristjan Asllani, Qazim Laçi, Adrion Pajaziti, Nedim Bajrami, Medon Berisha, Arbër Hoxha
Sulmues: Ernest Muçi, Jasir Asani, Armando Broja, Myrto Uzuni, Rey Manaj, Mirlind Daku (A2 Televizion)
A2 CNN Livestream
MUND TE LEXONI GJITHASHTU
