Jurgen Klopp ishte vetëm pak sekonda larg një debutimi me fitore në stolin e Gjermanisë, por Holanda barazoi në frymën e fundit dhe e mbylli ndeshjen 1-1.
Gjermania zhvilloi një pjesë të parë pozitive në Amsterdam dhe kaloi në avantazh në minutën e 32-të. Felix Nmecha përfitoi pranë portës pas aksionit të gjermanëve dhe dërgoi topin në rrjetë, duke shënuar golin e parë të Gjermanisë nën drejtimin e Klopp.
“Pancerat” e ruajtën avantazhin për pjesën më të madhe të ndeshjes dhe dukej se Klopp do ta niste aventurën me një fitore, shkruan A2.
Por, Holanda rriti presionin në pjesën e dytë. Skuadra e Xavi Hernandez krijoi më shumë raste dhe në minutën e 92-të erdhi barazimi. Cody Gakpo realizoi pas krosimit të Ruben van Bommel dhe i dha Holandës një pikë.
Kështu, debutimi i Kloppit përfundon me një barazim 1-1, ndërsa edhe Xavi e nis aventurën e tij në stolin e Holandës me një pikë.
Ndeshja u zhvillua me ritme të larta, ndërsa Holanda pati avantazh të dukshëm në goditjet drejt portës. Në takimet e ardhshme, Holanda do të luajë me Serbinë, ndërsa Gjermania përgatitet për Greqinë.
Të dyja takimet do të luhen të dielën në orën 20:45. (A2 Televizion)
A2 CNN Livestream
MUND TE LEXONI GJITHASHTU
