Të dielën u mbyll dhe java e 8 në Superligën e basketbollit për meshkuj.
Besëlidhja marshon e qetë në krye, teksa mundi Vllazninë me rezultatin final 83-76, në Pallatin e Sportit “Asllan Rusi”. Kjo ishte fitorja e tetë në po kaq ndeshje për ekipin e Afrim Bilalit.
Ndërkohë, Tirana e Erkand Karajt u mund nga Teuta në palestrën sportive “Farie Hoti”. Durrsakët që në fillim ishin në avantazh, ndërsa mbyllën periodën e parë me shifrat 28-40. Edhe në pjesën e mbetur historia nuk ndryshoi, pavarësisht këmbënguljes së kryeqytetasve, gjithçka u mbyll me shifrat 76-83.
Lojtari më i miri ishte Hysenagolli me 26 pikë.
Pas javës së 8, Besëlidhja është në vendin e parë me 16 pikë, 3 më shumë se Teuta e vendit të dytë, ndërsa Tirana qëndron në vendin e tretë me 11 pikë. (A2 Televizion)
A2 CNN Livestream
MUND TE LEXONI GJITHASHTU
