Elden Campbell, ish-qendra e njohur e NBA-s dhe një nga figurat më të respektuara të viteve ’90 dhe 2000, është ndarë nga jeta në moshën 57-vjeçare. Lajmi u bë i ditur nga “Los Angeles Times”, duke tronditur botën e basketbollit dhe komunitetin e tifozëve që e kanë ndjekur gjatë gjithë karrierës së tij.
Campbell zhvilloi 15 sezone në NBA, ku periudhën më të gjatë e kaloi te Los Angeles Lakers, skuadra me të cilën u bë i njohur dhe krijoi identitetin e tij si një lojtar i qetë, i sigurt dhe me stil të veçantë loje. Më vonë, ai u bashkua me Detroit Pistons, me të cilët fitoi titullin e NBA-s në vitin 2004, duke triumfuar pikërisht kundër ish-skuadrës së tij, Lakers.
Gjatë gjithë karrierës, Campbell ishte i njohur për prezencën fizike nën kosh, lojën e disiplinuar dhe karakterin e tij të butë jashtë parketit. Ish-bashkëlojtarët e kujtojnë si një profesionist të vërtetë dhe një njeri të qetë, që kontribuoi fuqishëm në çdo ekip ku luajti.
Vdekja e tij ka sjellë reagime të shumta nga bota e sportit, ndërsa ai do të mbahet mend si një prej qendrave më të respektuara të brezit të tij dhe si një figurë që la gjurmë të pashlyeshme në NBA. KosovaPress (A2 Televizion)
A2 CNN Livestream
MUND TE LEXONI GJITHASHTU
